Хелсиншки комитет за човекови права одбележува 30 години постоење

Хелсиншкиот комитет за човекови права оваа година го прославува својот 30 – годишен јубилеј, одбележувајќи го симболично на Денот на потпишувањето на Универзалната декларација за човекови права, 10 декември.

Хелсиншкиот комитет во изминативе 30 години ја следи и работи на унапредувањето на состојбата со човековите права, обезбедува правна помош на сите маргинализирани и ранливи категории граѓани, соработува со други организации и со државните органи во насока на зголемување на промоцијата, почитувањето, унапредувањето и заштитата на човековите права и слободи.

Комитетот поаѓа од тоа дека сите луѓе треба да имаат можност да ги уживаат и практикуваат нивните основни права и слободи и да имаат можност да ги заштитат во случај на нивно прекршување или ограничување. Ова претставува основа на владеењето на правото, човековите права и демократијата.

Агенда за 30 – годишниот јубилеј
на Хелсиншкиот комитет за човекови права
Читална на Правниот факултет „Јустинијан Први“
10 декември 2024

13:00 – 13:15 – Воведно обраќање Уранија Пировска, извршна директорка на ХК

13:15 – 13:30 – Обраќање на Умер Ал –Катиб, раководител на Одделот за човекова димензија во Мисијата на ОБСЕ – Скопје

13:30 – 13:45 – Обраќање на Осман Кадриу, уставен судија

13:45 – 14:00 – Обраќање на проф. Гордан Калајџиев

14:00 – 14:15 – Обраќање на проф. Неда Здравева