Skopje Pride 2024 – Promovimi i barazisë dhe sigurisë

Skopje Pride 2024, i mbajtur më 22 qershor 2024, ishte një deklaratë e fortë e dukshmërisë, solidaritetit
dhe rezistencës së komunitetit LGBTIQ+. Eventi u organizua me sukses dhe demonstroi një nivel të lartë bashkëpunimi institucional, mbështetjeje publike dhe koordinimi të sigurisë. Pavarësisht rezultatit pozitiv, u vu re një rritje e ndjeshme e gjuhës së urrejtjes, veçanërisht në internet, duke treguar nevojën për mekanizma të forcuar institucionalë për parandalim dhe reagim.

Skopje Pride 2024 u mbajt nën sloganin “SPEKTAKOLARISHT TË PABINDSHËM”, i cili pasqyron sfidën tonë ndaj normave heteropatriarkale dhe feston natyrën e gjallë dhe unike të komunitetit LGBTQ+. “Të pabindshëm” simbolizon luftën tonë kundër shtypjes sistemike, ndërsa “spektakolarisht” nxjerr në pah aspektet shumëngjyrëshe dhe të gëzueshme të komunitetit tonë.