Јавен повик за експертска позиција за изработка на сеопфатна анализа за проценка на потребите на децата во ризик и лицата со попреченост во воспитно – поправниот дом – Тетово, мали групни домови, ЈУ за згрижување деца со воспитно-социјални проблеми и нарушено однесување и заводот во Демир Капија

Хелсиншкиот комитет за човекови права, во рамки на проектот „Зајакнување на човековите права и услуги за децата и ранливите лица во ризик во затворени институции“, финансиран од Европската Унија како дел од програмата EuropeAid/180645/DD/ACT/MK, согласно Договорот за грант потпишан меѓу Хелсиншкиот комитет за човекови права и Европската Унија бр. NDICI-THE-NEAR/2024/461-198, објавува јавен повик за ангажман на тим од 3 експерти за изработка на сеопфатна анализа за проценка на потребите на децата во ризик и лицата со попреченост во целните институции.

Хелсиншкиот комитет за човекови права го спроведува проектот Зајакнување на човековите права и услуги за децата и ранливите лица во ризик во затворени институции, финансиран од Европската унија. Целта на проектот е да се придонесе кон подобрување на услугите за децата и ранливите лица во ризик во затворени институции преку пристап заснован на човекови права. Проектот има три специфични цели:

– Да се подобрат условите и унапредат човековите права на децата и ранливите лица во ризик во затворени институции.

– Да се зајакнат капацитетите на релевантниот персонал кој работи со деца и ранливи лица во ризик.

– Да се овозможи соработката помеѓу локалните активисти и релевантните чинители преку поттикнување на вклученоста на заедницата на децата и ранливите лица во ризик.

Проектот, меѓу другото, вклучува изработка на сеопфатна анализа за проценка на потребите на децата во ризик и лицата со попреченост во воспитно – поправниот дом – Тетово, мали групни домови, ЈУ за згрижување деца со воспитно-социјални проблеми и нарушено однесување и заводот во Демир Капија. Оваа анализа ќе ги идентификува специфичните потреби, предизвици и празнини во услугите за овие целни групи и ќе обезбеди целни решенија за интервенции за подобрување на нивната целокупна благосостојба. Со изготвување на оваа анализа за проценка на потребите, ќе придонесеме за детално и сеопфатно разбирање на специфичните потреби и предизвици со кои се соочуваат целните групи, зголемена свест кај засегнатите страни за празнините во услугите и потребните чекори за решавање на овие празнини и подобрени услуги што ќе доведат до подобрени услуги и услови за целните групи.

Заради исполнувањето на ангажманот предмет на овој повик тимот од 3 експерти/тки ќе треба да ги спроведе следниве работни задачи:

• Подготовка на методологија за спроведување на сеопфатна анализа за проценка на потребите на децата во ризик и лицата со попреченост во воспитно – поправниот дом – Тетово, мали групни домови, ЈУ за згрижување деца со воспитно-социјални проблеми и нарушено однесување и заводот во Демир Капија;
• Идентификување и анализа на релевантна литература и имплементирање на алатки за прибирање на податоци за собирање на податоци;
• Изработка на краток baseline документ за потребите на проектот;
• Редовна комуникација и координација со проектниот тим од Хелсиншкиот комитет.

 

Потребни квалификации

• Завршено високо образование. Завршени постдипломски или докторски студии ќе се сметаат за предност;
• Најмалку 5 години професионално работно искуство во областа на заштитата на човековите права, заштита од тортура и нехуман третман, работа со деца и маргинализирани групи граѓани;
• Искуство во изработка и подготовка на анализи и публикации;
• Напредно познавање на англискиот јазик и
• Напредни истражувачки и аналитички способности.

 

Временска рамка и надомест

Eкспертите/тките ќе биде ангажиран/а во периодот помеѓу јуни и септември, вкупно 30 работни дена или 10 работни дена по експерт во договор со проектниот тим од Хелсиншкиот комитет.

 

Постапка и правила за пријавување, рок и избор

Овој повик е јавен. На повикот може да аплицирате индивудуално или како експертски тим. Секој кој што ги исполнува потребните квалификации може да се пријави на овој повик со поднесување на:

• Работна биографија (CV)
• Примероци/референци од претходно изработени анализи во последните 5 години
• Предлог кратка методологија
• Понудена бруто цена (1 експертски ден се 8 часа)

 

Критериуми за избор на најповолен понудувач:

• Релевантна биографија и искуство – 40 поени
• Примероци/референци од претходна работа – 40 поени
• Понудена бруто цена – 20 поени

 

Секој кој што ги исполнува потребните квалификации може да се пријави на овој повик на следните е-маил адреси: helkom@mhc.org.mk и tona.kareva@mhc.org.mnk со назнака „Пријава за експерт/ка за изработка на анализа“. Рокот за аплицирање е до 25.05.2025 година.

 

За дополнителни прашања, Хелсиншкиот комитет за човекови права ви стои на располагање на горенаведените е-маил адреси, како и на телефонскиот број +389 2/3119-073