Студентски камп во Специјалниот завод Демир Капија

Претставничка од Хелсиншкиот комитет за човекови права присуствуваше на затварањето на студентскиот камп кој се одвиваше во Специјалниот завод Демир Капија минатата недела. Студентскиот камп беше организиран во рамките на проектот ЕУ ТП за поддршка на процесот на деинституционализација во социјалниот сектор. На затварањето на кампот беа претставени финалните заклучоци од страна на тим лидер Вито Флакер од Словенија, проектен експерт Владо Крстовски, Софи Бомонд претставничка на ЕУ делегацијата, Слободaнка Лазова Здравковска претставничка на Министерство за труд и социјална политика. Студентите и наставниците од Институт за дефектологија и Институт за социјална работа и социјална политика во Скопје, како и Факултет за социјална работа од Љубљана учествуваа во нормализација на Специјалниот Завод Демир Капија, процена на капацитетот на услугите во заедницата, како и планот за трансформација на заводот, се со цел да се изготви добра Национална стратегија за деинституционализација.