Дебата за правата на ЛГБТИ заедницата – 360 Степени сезона 7, емисија 76
Утре во Скопје ќе се одржи Парада на гордоста, втора во историјата на државава по премиерната во 2019 година. Лани поради ковид-кризата манифестацијата паузираше. Кочо Андоновски, родоначалникот на ЛГБТИ-движењето во Македонија, во една неодамнешна изјава, вели дека има голема промена од времето кога тој почнуваше со активизмот. „На почетокот без сам, а денес, 16 години подоцна, имаме голем број ЛГБТ организации, имаме национална мрежа со повеќе од 20 организации и поддржувачи“, вели Андоновски. Тој е еден од учесниците во ова издание на „360 степени“, заедно со Ирена Цветковиќ, извршна директорка на Коалицијата „Маргини“ и Моника Зајкова, пратеничка од редовите на ЛДП во Собранието. Меѓу другите теми, ќе разговараме и за предлог-измените во Законот за матичната евиденција со кои треба да се предвиди постапка за правно признавање на родот. На видео-врска ќе ја имаме адвокатката Наташа Бошкова, која го водеше случајот на лицето Х против Република Северна Македонија, кој заврши со пресуда на Европскиот суд за човекови права, во која се констатира дека државава сторила повреда на член 8 од Европската конвенција за човекови права поради недостаток на јасна правна рамка која го регулира правното признавање на родот.
Емисијата е емитувана на 25 јуни 2021 г. од 22 часот на ТВ Алсат