Ревидиран повик за ангажман на тројца монитори за следење на примената на дигиталните права на национално ниво за период јули-декември 2022 година
![](https://mhc.org.mk/wp-content/uploads/2020/08/mhc-2020-blue.png)
Општи информации
Хелсиншкиот комитет за човекови права текот на 2022 година, започнува со спроведување на проектот “Поголеми интернет слободи –Greater Internet Freedom” финансиран од страна на Интерњуз Мрежа/Internews Network. Главната цел на овој проект е унапредување на човековите права во дигиталниот простор.
Предмет на ангажманот
Во рамки на проектот ќе се спроведе активност за следење и регистрација прекршување на дигиталните права на граѓаните и регистрирање на пријави на регионалната веб платформата https://monitoring.bird.tools/ за периодот 15.06.2022 година до 15.12.2022 година. Оваа веб платформа претставува интерактивна алатка за пријавување на случаи поврзани со дигиталните права на граѓаните и генерирање на статистички податоци на регистрирани пријави врз основ на три параметри: географска локација, правен основ и временска рамка.
Со цел зајакнување на мониторингот врз прекршувањата на дигиталните права, Хелсиншкиот комитет за човекови права има потреба од ангажман на три (3) монитори кои ќе вршат следење, регистрирање и известување за состојбите во дигиталниот простор, вклучително говор на омраза на електронски медиуми, интернет изданија на весници и портали, социјални медиуми и ќе имаат за цел да вршат упис на утврден говор на омраза на месечно ниво и да го доставуваат до проектниот тим за понатамошна анализа. Времетраењето на ангажманот е 6 месеци.
Мониторите ќе бидат компензирани преку месечен хонорар од $150 бруто износ (месечно) во денарска противвредност.
По извршениот избор, Хелсиншкиот комитет ќе спроведе обука на избраните монитори со јасни насоки за нивниот ангажман и работни обврски. Овој ангажман нуди флексибилност со тоа што избраните лица не се обврзани на работно време и престој во Хелсиншкиот комитет.
Со оглед на материјата која е цел на анализа во рамки на овој проект, условите за пријавување се следниве:
- Додипломски студии во областа на информатичката технологија или правните науки,
- Познавање на македонски и англиски јазик,
- Основно познавање за дигиталниот простор и социјалните медиуми,
- Одговорност и навремено доставување на неделните и месечни извештаи,
- Посветеност, доверливост и професионалност за извршување на мониторинг активностите за времетраење на целиот проект,
- Редовна комуникација и координација со проектниот тим,
- Познавањето на областа на дигиталните права (особено и делот на заштитата на личните податоци во интернет сферата) ќе се смета за предност.
Заинтересираните за учество на обуката потребно е да достават кратка биографија (CV) на македонски јазик и мотивациско писмо (не поголемо од една страна) во кое што ќе ги објаснат своите квалификации и мотив.
Апликациите се доставуваат на следната електронсканадреса: helkom@mhc.org.mk и до slavica.anastasovska@mhc.org.mk со назнака „ мониторинг на дигитални права“ најдоцна до 12 јули (вторник) 2022 година.