Летна школа за ЛГБТКИ+ политичко лидерство и социјални промени во Северна Македонија
Хелсиншкиот комитет и LGBTQ+ Victory Institute ги покануваат заинтересираните кандидати да се пријават на Летната школа за ЛГБТКИ+ политичко лидерство и социјални промени во Северна Македонија. Обуката ќе се одржи во Охрид од 12-ти до 19-ти август 2023 година.
Со пополнување на оваа апликација можете да се регистрирате за присуство на Летната школа, а за резултатите од изборот ќе бидете информирани веднаш по завршувањето на постапката за оценување на добиените апликации.
Рокот за регистрација завршува на 17-ти јули 2023 година во 23:59 часот по македонско време.
Напомена: Апликацијата пополнете ја со еден пребарувач и во една сесија. Платформата не дозволува пополнување со внесување на податоци подоцна. Нецелосните апликации нема да бидат земени во предвид.
Темите кои ќе ги опфати оваа школа се во насока на зголемување на капацтитети кај млади лица од 18-30 години за политички активизам и вклучување во процеси за политички и социјални промени во однос на подобрување на животните реалности и можности на ЛГБТИК+ лицата.
Оние области кои ќе бидат покриени со оваа Школа опфаќаат знаења од правни промени и потребни знаења од легислативата, политичка еманципација, квир политика и квир култура, присуство на странски предавачи во областа на организирање на заедниците и политичко делување во рамки на политички партии, комуникациски вештини и разбирање на наративи, учења за анти деморкатските движења и мобилизација за уназадување на родовата еднаквост генерално, како и моменталните сосотојби со ЛГБТИ движењето во Македонија. Школата ќе опфати интерактивни сесси, можности за прашања и дискусии, културна програма, предавња од исклучителни професионалци и предавачи, како и различни слободни активности.
Стипендија
Со пополнувањето на Апликацијата аплицирате и за добивање на стипендија за учество на Летната школа за ЛГБТКИ+ политичко лидерство и социјални промени во РС Македонија. Тоа значи дека сите трошоци за превоз, сместување, котизација за учество, оброци и учество во активности организирани како дел од програмата во текот на школата, се на товар на организаторот
Профили на учесници
Хелсиншкиот комитет и LGBTQ+ Victory Institute поттикнуваат млади проактивни лица, по можност oд следниве профили:
• Дел од ЛГБТИ+ популацијата
• Луѓе со јасна визија и интерес за учество во идните изборни процеси во Северна Македонија.
• Заинтересираност за знаења од областа на политичкиот активизам
• Лица со потенцијал за лидерство и заинтерсисраност за градење на конекции со полтиички организации и социјални движења
• Ангажман за учество во сите активности на Школата, истовремено и во живо и онлајн
• Способност за читање и пишување на англиски јазик
• Особено ги охрабруваме лезбејките и бисексуалните жени, трансродовите лица, интерсекс лицата, ЛГБТИК лицата кои припаѓаат на етничките групи, лица кои живеат со ХИВ, лицата со попреченост и било која друга малцинска група во рамки на ЛГБТИ+ заедницата, да се пријават.
Доколку имате прашања или ви се потребни дополнителни информации, можете слободно да се обратите на лице за контакт: Елена Петровска, elena.petrovska@mhc.org.mk
Целата апликација може да ја надете на следниот линк