Corner Соопштенија

Препораки за надминување на дискриминацијата кон Ромите на граничните премини 26 Октомври 2015

Хелсиншкиот комитет за човекови права на Република Македонија во соработка со Мисијата на ОБСЕ во Скопје и Народниот правобранител, во рамки на долгогодишната заедничката соработка во областа на анти-дискриминацијата, организираа конференција на тема „Ограничување на правото на слобода на движење на Ромите на граничните премини“. 

Конференцијата се одржа на 14 октомври 2015 година во Хотел Холидеј Ин во Скопје и на истата учествуваа 60 претставници на министерствата за внатрешни работи, надворешни работи, правда, труд и социјална политика, Комисијата за заштита од дискриминација, Агенцијата за остварување на правата на заедниците, Академијата за судии и јавни обвинители и бројни организации од граѓанскиот сектор. Исто така, конференцијата ја проследија и претставници на амбасади и меѓународни организации. 

На конференцијата имаа излагања претставници на Министерството за внатрешни работи, Народниот правобранител, Европската комисија против расизам и нетолеранција, ОБСЕ/ОДИХР, Хелсиншкиот комитет за човекови права, и КХАМ Делчево, кои се осврнаa на феноменот на расното профилирање и дискриминацијата на Ромите на граничните премини а истовремено, споредбено беа презентирани и состојбите во регионот и пошироко. 

Учесниците посебно ја поздравија иницијативата за организирање на конференција на оваа тема и активно се вклучија во дискусијата од која произлегоа неколку препораки.

Препораките може да ги преземете на следниов линк .

Twitter Facebook
Normal_banner-free-mk Normal_______________________ Normal_banner-lgbti Normal___________mk Normal_strategy_mk_photo